La Fleur Too

營業中

休息中

每次經過都好想試，但過咗後又忘記，终於有藉口又記得，终於有緣試佢set lunch。室内用白色木窗框，法國油畫，水晶吊燈，白色厚枱布，皮椅，雖然簡约，已帶出法國風味。order蜜糖燒汁豬柳，白汁忌廉煎魚，頭盤一個選雜菜湯~好雜菜，一般，即羅宋湯無牛肉，淡口；一個選三文魚沙律，夠大，一個大湯碗盛著，2片煙三文魚,，沙律是一般西餐的沙律菜配日式麻醬及沙律醋，yumiyumi,好，抵！主菜黎啦！好似高級model出場，有曲線，有樣貌，有份量，有台型，型英帥靚正：豬柳有一寸厚，厚得黎熟，熟得黎有咬口，樂意去嘲，兩面香脆，青蛙說如果切開2片，無咁靱，多些脆面，我覺得咁先夠型，點蜜糖燒汁又吾錯配搭，我真想知是甚麽猪柳？薯茸簡直是魔鬼化身，絲質香滑，牛油香味燒魚，小人見識淺，未見咁厚身。香口帶少許咸味，身形有曲綫，青蛙說無魚味，我覺ok,又樂意去咬，忌廉汁好似溶咗雲呢拿雪糕,，又香又滑set lunch 约hk105+10%,抵食，附近西餐無咁大份量。最後咖啡及檸水作完结。又發咗一個法國夢。