影片
更多
2016-12-27
1612 瀏覽
我同老公老係千味燒嘅常客老公唔中意其他串燒店既深圳風味，皆因乜都加孜然粉同大量調味料，所以千味燒嘅粵式串燒係我哋嘅至愛由開業至今食過不下二十次，終於捨得打下食評，相片係前兩日買左外賣反屋企影既呢度有室內有室外，室內係樓上有冷氣，但我們獨愛室外食，以前係坐街邊，而家係有瓦遮頭既位置，泊車方便，望住架車食又係別有一番風味唔好諗住係街食就污糟又唔衛生，小女子係腸胃差到不能夠再差既人，但每次食完都無事，就知衛生情況係無問題啦，佢地亦係用即棄既餐具，雖然有點不環保，但勝在衛生一定有保障！最驚曱甴既我係曱甴sensor，視線範圍之有曱甴就wewa鬼叫，但係呢度我只係見過一次咁大把，之後次次食都無見過，所以怕曱甴而唔敢食街邊野既你地唔洗怕啦！以下介紹嘅食物絕對係必食，食過一定翻尋味翠玉瓜咬落去啖啖都係汁，好清甜既翠玉瓜，燒到啱啱好熟哂，諗起都流哂口水，每次去我都最少食兩串！汁燒冬菇好香冬菇味，加上佢地既燒汁去食真係一流呀！多春魚燒到皮脆然後d魚子完全唔苦，咬落去bibibaba好爽呀！本人唔係太食辣，食親多春魚都要點少少辣粉去食，好惹味！燒雞脾係我同老公至愛，雞脾皮脆肉軟，咬落去啖啖都係肉，次次都會
老公唔中意其他串燒店既深圳風味，皆因乜都加孜然粉同大量調味料，所以千味燒嘅粵式串燒係我哋嘅至愛
由開業至今食過不下二十次，終於捨得打下食評，相片係前兩日買左外賣反屋企影既
呢度有室內有室外，室內係樓上有冷氣，但我們獨愛室外食，以前係坐街邊，而家係有瓦遮頭既位置，泊車方便，望住架車食又係別有一番風味
唔好諗住係街食就污糟又唔衛生，小女子係腸胃差到不能夠再差既人，但每次食完都無事，就知衛生情況係無問題啦，佢地亦係用即棄既餐具，雖然有點不環保，但勝在衛生一定有保障！最驚曱甴既我係曱甴sensor，視線範圍之有曱甴就wewa鬼叫，但係呢度我只係見過一次咁大把，之後次次食都無見過，所以怕曱甴而唔敢食街邊野既你地唔洗怕啦！
以下介紹嘅食物絕對係必食，食過一定翻尋味
翠玉瓜咬落去啖啖都係汁，好清甜既翠玉瓜，燒到啱啱好熟哂，諗起都流哂口水，每次去我都最少食兩串！
汁燒冬菇好香冬菇味，加上佢地既燒汁去食真係一流呀！
多春魚燒到皮脆然後d魚子完全唔苦，咬落去bibibaba好爽呀！本人唔係太食辣，食親多春魚都要點少少辣粉去食，好惹味！
燒雞脾係我同老公至愛，雞脾皮脆肉軟，咬落去啖啖都係肉，次次都會爭食燒到好香既軟骨位，正呀！
雞中翼啖啖都係好香既皮同好入味既肉，我呢個自己一個都食兩串！
雞脆骨一份有三串，獨食一份都唔夠喉！
京葱安格斯牛柳粒係某次老公朋友點左，我食佢一粒，吓？竟然串燒既牛柳粒都可以燒到完全唔sip牙又香軟，師傅手勢好好，一啖牛柳一啖京葱簡直係絕配！即場encore添呀！
三款雪花牛肉卷都好正，牛肉既油脂加上夾住既蔬菜係完全唔會覺得肥膩，無得頂！
堅手打墨魚丸同堅手打黑椒牛丸係食得岀好堅！真心堅手打，最憎食機整丸類既我一食便知龍與鳳，又係誤打誤撞食過一次之後就次次都要嗌呢個！
燒芥蘭係我食得最開心既，老公每次都會將最入味最香既葉位食哂，然後將個又香又多汁既菜框比我食，唔食菜葉既我最中意就係食芥蘭喇！
食串燒梗係要飲雞骨草或王老吉中和下，如果中意飲酒既朋友就記得要自備喇
由於次次都係食必食既呢堆串燒，食完都飽哂，無位食其他野，下次試新野再介紹比大家知必食串燒！
張貼
