日常

營業中

休息中

位處小山腰嘅西環日本料理店，裝修係文青大愛小清新，冷氣略凍，但無損悠閒氣氛。-🔺味噌豚肉燒定食（大約$125）豬肉🐖軟淋，食落似豬頸肉，唔肯定。醃得好入味，好香，微甜，調味家庭感，唔過咸，白飯🍚殺手🥷。薯仔🥔沙律正，有薯仔顆粒同埋蘿蔔粒，係典型嘅做法，有口感，唔會好粉好散，讚👍沙律清新，醃蘿蔔應係自家製淺漬，味道偏淡口，少少酸，好合我口味，唯獨係個飯唔夠軟糯，唔夠香，有啲失色。🔺唐揚炸雞配醬油湯烏冬（$128）雞件即炸是基本，熱🔥辣辣香口嘢加碗滑溜烏冬，好少出事嘅空間。🔺雞肉🐓團子鍋（大約$120）有雞肉、雞肉丸、豆腐，同埋有啲菜，細細一鍋，起初以為食唔飽，原來分量恰好。又係滾住上枱，調味唔會太重手，落雨天就係要食啲熱嘢暖暖心。定食另外包一杯柚子蜜、玄米茶等飲品，價錢唔算好平，但食完都覺得開心嘅😁😁😁下次嚟試甜品🍮！PS:店面不大，最好先訂位。