影片
更多
2022-03-30
18 瀏覽
河內越式料理 (尖沙咀) 📍尖沙咀堪富利士道10號地舖繼上次食過高質「河內越式料理」旺角西洋菜南街分店，得知尖沙咀都有新分店，選址十分好，鄰近地鐵站🚉尖沙咀A2出口步行一分鐘即到。正值晚餐時間，絡繹不絕的買外賣人龍，即使係疫情下都咁好生意，證明呢間越南🇻🇳餐廳質素有保證。望望餐牌，越式湯粉、撈檬、飯、小食、特色飲品等應有盡有，選擇困難症發作。😂順化蕃茄蟹肉扎肉湯檬（HKD 66): 食湯檬必定要品賞湯頭，其蟹味突出帶蕃茄清甜，適量青檸汁提鮮同辣椒🌶️粒，回味無窮，爆炒豬肉粒令到湯底更香濃，豆卜吸曬湯精華，令人一啖接一啖，扎肉食落彈牙，檬粉偏焾身，配蕃茄蟹肉湯頭食一流。越式香茅雞翼撈檬（HKD 60):雞翼達到舔手指級好滋味，新鮮香茅釋放獨特清爽之香氣，溢齒留香，肉嫩皮滑帶燒烤效果，調味比較甜，熱辣辣肉汁隨著一呷漏出，小心燙口。撈檬加入魚露清爽開胃，伴青瓜，蘿蔔絲仲有重點提香既炸蒜蓉片，增加口感得黎又提升層次。追加小食：越式炸蝦餅：炸到金黃香脆，毫不吝嗇大大塊，蝦🦐肉扎實彈牙，蘸上泰式辣醬，酸酸甜甜辣辣，不錯的小食。越式炸春卷：熱辣辣用米紙炸的特別很香脆又好吃😋，胡蘿蔔、木耳切成絲，蒜頭切
尖沙咀堪富利士道10號地舖
繼上次食過高質「河內越式料理」旺角西洋菜南街分店，得知尖沙咀都有新分店，選址十分好，鄰近地鐵站🚉尖沙咀A2出口步行一分鐘即到。
正值晚餐時間，絡繹不絕的買外賣人龍，即使係疫情下都咁好生意，證明呢間越南🇻🇳餐廳質素有保證。
望望餐牌，越式湯粉、撈檬、飯、小食、特色飲品等應有盡有，選擇困難症發作。😂
順化蕃茄蟹肉扎肉湯檬（HKD 66):
食湯檬必定要品賞湯頭，其蟹味突出帶蕃茄清甜，適量青檸汁提鮮同辣椒🌶️粒，回味無窮，爆炒豬肉粒令到湯底更香濃，豆卜吸曬湯精華，令人一啖接一啖，扎肉食落彈牙，檬粉偏焾身，配蕃茄蟹肉湯頭食一流。
越式香茅雞翼撈檬（HKD 60):
雞翼達到舔手指級好滋味，新鮮香茅釋放獨特清爽之香氣，溢齒留香，肉嫩皮滑帶燒烤效果，調味比較甜，熱辣辣肉汁隨著一呷漏出，小心燙口。撈檬加入魚露清爽開胃，伴青瓜，蘿蔔絲仲有重點提香既炸蒜蓉片，增加口感得黎又提升層次。
追加小食：
越式炸蝦餅：炸到金黃香脆，毫不吝嗇大大塊，蝦🦐肉扎實彈牙，蘸上泰式辣醬，酸酸甜甜辣辣，不錯的小食。
越式炸春卷：熱辣辣用米紙炸的特別很香脆又好吃😋，胡蘿蔔、木耳切成絲，蒜頭切成末，加埋爽彈大蝦粒，好脆口，蘸上辣椒醬，外脆內軟。
椰汁珍多冰：
色彩繽紛，椰汁香濃，綠色蒟蒻條好chewy ，整咗配合相得益彰。
椰果椰汁西米露：
甜品絕對係另一個胃，飲得到的甜品🍮，份量十足椰果，不跟你講笑，西米好有咬口，椰汁濃郁香濃👍🏽
總結：
地理位置優越 價錢合宜越南菜🇻🇳
多款式👍🏽
#尖沙咀#河內越式料理#順化蕃茄蟹肉扎肉湯檬#香茅雞翼#炸蝦餅#椰汁珍多冰#椰果椰汁西米露#越式炸春卷
張貼
