川川辣辣 (已結業)

川菜食唔停，天水圍比較少川菜，呢間開咗之後都係第一次試裝修都好有四川風味，舖頭好大間，坐得舒服乾淨呢度除咗有傳統嘅川菜之外，仲有好多新式嘅款式酸菜魚-小辣叫咗個例牌酸菜魚，但係已經好夠兩個人食，每日採用嘅魚類都會有少少唔同，可以問吓店員當日用咩魚花椒味比較重少少，但係小辣來講辣度適中，魚片每一片都切得好平均，好滑身，而且一啲腥味都冇，好新鮮入邊嘅配菜都相當多，有萵筍、腐竹、菇、仲有我最愛嘅薯粉，所有配菜都切到好薄，可以索晒酸菜魚嘅酸辣味，薯粉軟硬適中，唔會話浸咗好耐林晒，仲好有咬口椒鹽魷魚喺川菜館比較少有嘅菜式，超驚喜，份量好足，炸得好酥脆，炸粉係好薄嘅一層，出面仲加咗層炸蒜同埋調味粉，令到個層次好豐富，爽口彈牙嘅魷魚再配埋少少辣度嘅調味，食唔停口流心奶黃西多士配雞髀餐廳嘅招牌，雞髀係原隻生炸，做到表皮乾身之餘，入邊雞肉係好嫩滑，而且仲有肉汁保留住留心奶黃多士一試難忘，一切開已經爆漿，流晒啲汁出嚟，但係食落嘅甜度啱啱好，外脆內軟招牌紅豆冰紅豆嘅數量已經佔咗嘢飲嘅一大半，每粒紅豆都好有咬口，重奶香味，又唔會過甜