四寶食堂 (兆安廣場)

營業中

休息中

放假去銅鑼灣行下，咁啱見返兩個舊同學，大家都有時間，搵間餐廳坐低聚下舊先，不約而同都話去四寶食堂，因為佢哋食物多元化，價錢大眾化，大部分座位以卡位為主，坐得舒服。板燒美國頂級封門牛柳：封門柳則是牛的橫膈膜肌肉，肉質鬆軟，不易變韌，而且牛肉味極為濃郁，揀咗五成熟肉質十分腍，配搭特製嘅醬汁，非常惹味！香煎加拿大豬柳拼板燒紐約雞扒：加拿大天然無激素豬柳，肉色淡紅有光澤，口感肉質鮮嫩 ，香軟多汁 。雞扒外皮煎至金黃香口，而內裡則保持多汁嫩滑。兩個晚餐都有伴菜，多款選擇中，揀咗兩款，德國薯仔沙律，口感冰涼，薯仔入口即溶。美式炸薯條口感扎實，點茄汁食，酸酸甜甜好開胃。餐湯：忌廉湯非常濃郁，口感香滑。XO醬滑蛋蝦球飯：滑蛋色澤光鮮亮麗，入口滑溜，蛋味香而濃郁，蝦球爽口，仲有XO醬增添美味！雪山紅豆冰：雪山即係鮮忌廉，紅豆軟腍加上鮮忌廉，更香滑。朱古力雪山：濃郁的朱古力加上忌廉更香滑。花生醬多士：金黃色嘅西多士再加牛油、花生醬同糖漿嘅組合，份外滋味。