樂意點心

營業中

休息中

🌸芥末鵪鶉蛋燒賣，鵪鶉蛋燒賣味道好夾！以前食過都覺得好好味，但今次新加入左芥末，都幾特別，帶有淡淡芥末味道，仲有少少辣媽咪🌸三色小籠包，上枱好多顏色，幾靚！一次過食晒三種唔同味道嘅小籠包：包括有原味、川辣、松露！我最鍾意嘅就係食松露味小籠包，咬入口有好香濃嘅松露湯汁爆曬出嚟🌸原隻鮮蝦腸粉，綿綿軟軟白滑腸粉包住鮮蝦，蝦肉爽口彈牙🌸蘿蔔絲酥外焦內軟，酥香味美，內餡都有好多蘿蔔絲🌸籠仔蒜蓉龍蝦配帶子飯，份量都足夠！有大大隻龍蝦，配埋帶子，全部都好新鮮，食落口好鮮好甜！飯粒有唔少蒜蓉，食入口好惹味🌸楊枝甘露有好多新鮮芒果粒，仲有柚子，酸酸甜甜，好醒胃！而且甜度適中，好清爽餐廳舒適，但餐廳位置不多，所以經常大排長龍！大家記得預時間排隊入去食啦