串燒王 (已結業)

同朋友Staycation唔係食酒店自助餐就多數叫外賣。呢間響Foodpanda 叫有五折，好似好抵，但其實折後價錢先似番平時食串燒的價錢！宜家寫文上Openrice望下餐牌，驚覺餐廳食仲平過Foodpanda半價！當時唔識直接搵店家叫外賣真係蝕左，做唔到精明消費者添。（不過我叫Foodpanda果陣仲未有人上載餐牌上Openrice呢～）食物賣相唔錯，串燒唔會太乾或太焦。八餸麻辣燙相對划算，餸亦算多。鰻魚炒飯及芝士海鮮炒飯都好食。外賣黎講，食物夠熱，包裝唔會油冧冧，食物質素都幾高。下次有機會再叫可以直接Whatsapp店家啦！