町町丼丼 (駱駝漆大廈2座) (已搬遷) 新店位置

町町丼丼確係性價比幾高嘅外賣店，而且佢越嚟越開得多分店，依家喺觀塘駱駝漆都買到。例牌買兩個主食兩個小食返屋企慢慢嘆。今日唔想食咁多肉，所以就揀咗日式咖喱吉列南瓜餅蛋蓋飯。日式咖喱蛋蓋飯嘅蛋夠晒滑，而佢嘅日式咖喱甜而不辣，用嚟撈飯就一流。吉列南瓜餅用唔同器皿分隔，所以攞到返屋企仍然保持香脆，南瓜蓉好香好滑，當作小食都可以。胡麻手撕雞丼可以配飯或烏冬，而我就揀咗後者。烏冬彈牙有口感，配合胡麻醬同手撕雞簡單得嚟又好味。磯燒魷魚天婦羅配黑椒蛋黃醬非常香脆，分量相當多，而且價錢又唔貴。一口芝士年糕總共有三件，年糕軟糯而芝士夠香滑，每人食一件剛剛好。