影片
更多
2022-01-07
704 瀏覽
黎到堂食最後一日啦，之後半個月晚市都冇得堂食，真係喊出黎！所以我地揀左深水埗米芝連推介既大排檔做最後晚餐，之後可能有排都食唔到！🥲✨黃金蝦啲蝦好大隻！而且已經去哂啲腳、蝦腸同蝦鬚，非常貼心。蝦已經炸透哂，外面脆卜卜，連頭、尾都可以食哂落肚。啲蝦沾上咸蛋黃同牛油既醬，非常香口，令人忍唔住係咁食，勁邪惡。✨椒鹽九肚魚拼魷魚魷魚食落去非常驚豔！以前食既炸魷魚外層個皮同舊肉好似分開咁，而且好淋，魷魚又咬唔開，但呢到既炸皮同魷魚混為一體，外層勁脆，而魷魚又煮到啱啱好，彈牙唔會韌，加埋少少辣椒粉同酸酸地既喼汁，簡直係完美！而九肚魚我覺得有少少失色，因為九肚魚切到好細舊咁炸，反而唔係好食到本身九肚魚個種柔軟同嫩滑。✨薑蔥蠔煲薑蔥蠔煲最重要既係咩？就緊係啲薑蔥啦！薑蔥既份量非常多，爆香左所以好好食，但係走油走得唔夠乾身，所以唔夠香，乾多少少會更好！蠔炸過再煮，食落酥軟，又腍又滑，而且汁濃味厚。不過蠔雖然大隻，但比較少，得4、5隻左右咋！✨沙拉豬扒係openrice見到好多人叫呢味餸，但食落又冇咩特別。豬扒幾乾身，雖然未至於難咬，但亦唔香。而本身個啲橙色既醬汁已經好咸，再加上啲沙律醬再咸左，而且好膩，加
黎到堂食最後一日啦，之後半個月晚市都冇得堂食，真係喊出黎！所以我地揀左深水埗米芝連推介既大排檔做最後晚餐，之後可能有排都食唔到！🥲
✨黃金蝦
啲蝦好大隻！而且已經去哂啲腳、蝦腸同蝦鬚，非常貼心。蝦已經炸透哂，外面脆卜卜，連頭、尾都可以食哂落肚。啲蝦沾上咸蛋黃同牛油既醬，非常香口，令人忍唔住係咁食，勁邪惡。
✨椒鹽九肚魚拼魷魚
魷魚食落去非常驚豔！以前食既炸魷魚外層個皮同舊肉好似分開咁，而且好淋，魷魚又咬唔開，但呢到既炸皮同魷魚混為一體，外層勁脆，而魷魚又煮到啱啱好，彈牙唔會韌，加埋少少辣椒粉同酸酸地既喼汁，簡直係完美！而九肚魚我覺得有少少失色，因為九肚魚切到好細舊咁炸，反而唔係好食到本身九肚魚個種柔軟同嫩滑。
✨薑蔥蠔煲
薑蔥蠔煲最重要既係咩？就緊係啲薑蔥啦！薑蔥既份量非常多，爆香左所以好好食，但係走油走得唔夠乾身，所以唔夠香，乾多少少會更好！蠔炸過再煮，食落酥軟，又腍又滑，而且汁濃味厚。不過蠔雖然大隻，但比較少，得4、5隻左右咋！
✨沙拉豬扒
係openrice見到好多人叫呢味餸，但食落又冇咩特別。豬扒幾乾身，雖然未至於難咬，但亦唔香。而本身個啲橙色既醬汁已經好咸，再加上啲沙律醬再咸左，而且好膩，加上好快凍左就變得唔好食。
✨炸大腸
平時食開既炸大腸係一圈圈，而且炸好到香酥，呢到反面係切長條型再剖開。外層非常香脆，入面又保留到大腸既口感，有少少煙韌。大腸保留左本身既脂肪，但係唔會油膩，點埋甜酸醬非常滋味，而且下面亦有幾舊菠蘿消滯。
btw，當日第一轉已經落左個豆苗，點知等左個幾鐘、催左幾次被告知豆苗賣曬……之後再落菜心，等左大半個鐘都未上得，最後頂唔順取消左。🥲
黃金大蝦
59 瀏覽
0 讚好
0 留言
椒鹽九肚魚拼魷魚
55 瀏覽
0 讚好
0 留言
炸大腸
62 瀏覽
0 讚好
0 留言
薑蔥生蠔煲
73 瀏覽
0 讚好
0 留言
沙拉骨
61 瀏覽
0 讚好
0 留言
張貼
