麻辣派對 (瑞生酒店) (已結業)

意想不到嘅華麗裝潢，加上燈光同色調嘅型格配搭，再以不少特色掛畫點綴。真係非一般嘅川菜館，感覺新潮，增加唔少新鮮感。👍孜然蔥爆蒙古羊肉套餐$78真係只可以講，愛蔥愛辣愛羊嘅唔洗考慮，必叫之選。辣度啱啱好，唔會辣到噴火😂。羊肉仲要有少少🤏羊羶味，連埋好多份量嘅京蔥，非常好送飯！我另一半真係好鍾意，讚不絕口❤️🤣。酸菜江團魚套餐$78最愛食酸菜魚，所以每次食親川菜都係必點菜式，辣度一定至少叫中辣，呢個酸菜魚好夠辣，魚嘅份量亦唔少，而且夠鮮夠滑，都係好好送飯嘅選擇！紅油火雞腎套餐$68雞腎份量好多，兩個人食都食唔晒。紅油辣度適中，配搭青瓜絲提升爽口程度亦令到雞腎油而不膩。凍蜜語水果茶茶味濃，但亦都唔會蓋過水果味😋。大量水果🍉🫐🍎🍈🍋🍊，好似飯後嘅生果盤咁。🤣🤣🤣燉湯上枱嘅時候熱辣辣，湯中有濃厚肉味，粉葛煮得非常入口，非一般例湯。麻辣小面飯當然係川菜嘅絕配，但係同時鍾意食麵嘅我都俾依個麻辣小面吸引到。麵質彈牙，唔會係令人失望嘅軟林林👍。配以花生🥜提升爽脆度，重點係雖然只係小面，但麻辣做得唔會馬虎。