馬拉公公

營業中

休息中

首先唔係太多單嘅情況之下，肉骨茶漏咗，仲要漏啲唔漏啲，淨係比咗白飯同埋油炸鬼我。油炸鬼仲要係韌嘅。海南雞飯啲雞好細件，只有豉油冇其他醬料，但係收我差唔多一舊水。另外蝦面冇蝦味，喇沙點解會酸嘅？絕對有理由懷疑佢係變壞咗。好奇怪點解食評咁多好評。唯一比較好嘅係飲品，美祿恐龍啲粉一粒粒一粒粒，吉仔冰稍為好少少，涼粉冰淨係煉奶味。最特別嘅係小食，嗰啲鳳尾蝦春卷，啲蝦係霉嘅。真係吐都吐唔切。唯一好少少嘅係蝦片，已經預先包裝好，可能唔係呢間舖頭自己整所以好食。無下次。