影片
更多
2025-06-02
13 瀏覽
一晚九點幾，我一個人入去呢間餐廳食飯，見到二人位全滿晒，OK啦，我都識做，一入去就問阿姐：「我一個人可以坐邊？」點知個阿姐帶我去個超垃圾嘅四人枱位，仲要配張膠凳，坐得真係唔舒服！既然係四人枱，我都預咗可能要搭枱，於是我自己轉咗去另一張正常啲嘅四人枱坐。點知坐低冇耐，連嘢食都未點，佢即刻帶個客過嚟搭枱！喂，周圍明明仲有其他四人枱空住，使唔使咁急住搵人搭我呢張枱啊？我即刻同個阿姐反映：「周圍咁多四人枱，使唔使咁急要搵人搭呢張？」點知佢串到爆，回我一句：「你邊度見到有其他位啊？」喂，大佬，我眼唔盲喎，明明周圍有空枱！呢種垃圾服務態度真係令人火滾！茶餐廳又點樣？唔係話要五星級服務，但咁嘅態度真係完全唔掂！最離譜係，點解我哋要成日忍受呢啲咁差嘅服務態度啊？仲要好似變咗理所當然咁！飲食業成日話生意難做點點點，但老實講，服務咁垃圾，係咪自己攞嚟？點解我哋要當呢啲係正常啊？
我即刻同個阿姐反映：「周圍咁多四人枱，使唔使咁急要搵人搭呢張？」點知佢串到爆，回我一句：「你邊度見到有其他位啊？」喂，大佬，我眼唔盲喎，明明周圍有空枱！呢種垃圾服務態度真係令人火滾！茶餐廳又點樣？唔係話要五星級服務，但咁嘅態度真係完全唔掂！最離譜係，點解我哋要成日忍受呢啲咁差嘅服務態度啊？仲要好似變咗理所當然咁！飲食業成日話生意難做點點點，但老實講，服務咁垃圾，係咪自己攞嚟？點解我哋要當呢啲係正常啊？
張貼