Parkview (新都會廣場) (已結業)

約左朋友仔去葵涌廣場行街街，咁想食得舒服啲，就過左新都會廣場搵食，時間尚早見呢度唔多人，座位又濶落，就二話不說攞位先。青木瓜沙律伴燒美國牛肉 - $118青木瓜沙律清新開胃，牛肉燒得剛剛好，肉腍牛味重。黑松露野菌手搓粉 - $118我轉左做升級套餐，加$45便可升級是日餐湯/沙律，即焗麵包，是日甜品(朱古力雪糕一球)，咖啡/茶。蘑菇湯都幾重菇味，而且cream濃。餐包好熱好軟熟，唔係間間餐廳都注重餐包質素，所以要加分。黑松露野菌手搓粉嘅黑松露味都幾重，菇菇又多，手搓粉感覺幾得意，好岩箍牙妹食。秋田縣麵粉意大利芝士千層蛋糕伴雪糕 - $62千層蛋糕幾好味，但蛋糕底的酒味分佈不平均，所以有啲位特別苦，雪糕球都係朱古力味，沒有其他選擇。