Coffeelin (昌明街)

營業中

休息中

偏遠酒吧餐廳，地點似乎只考慮招待跑馬地區內客為主，到咗電車總站仲要再行5-10分鐘。。。價錢同港島市區睇齊，Mocktail $68起，Cocktail $88起，紅白酒約$90杯Virgin Mojito薄荷、青檸、梳打水、糖水薄荷味道出，唯青檸汁非常重手，味道偏酸Antipasti $ 88意式頭盤，有多士、火腿、橄欖同芝士釀燈籠椒，非常豐富，餸酒一流Caesar Salad $ 88非一般擺盤，少有切半上碟嘅凱撒沙律，非常特別，亦非常新鮮爽脆，凱撒沙律醬偏少，但羅馬生菜本身已經好甜，加上烘脆嘅麵包糠代替脆包粒，更加脆同好食，口感特別Mushroom Truffle Gnocchi $ 128一上枱已經聞到濃郁黑松露同雜菌香氣，味道偏鹹少少，菇菌味重，薯糰唔夠煙韌，煎香咗但未夠脆，可以接受Basque Cheese Cake $ 53大大件，芝士味濃，邊位硬啲，個心非常幼滑，唔太甜，完美嘅句號地點太遠，試一次就夠😅 食物款式唔多，但價錢係正常合理，飲品反偏貴，不過酒吧主打酒水可以理解。