南대門

營業中

休息中

大家都知道金巴利道有好多韓國餐廳，一向中意食韓國菜既我，今次就係到揀左間由韓國人開既韓燒，未有得去旅行之前止下癮！餐廳既空間好大，除左有卡位，仲有好多韓國常見既圓檯位，好啱同一班朋友黎聚下。未上菜之前先黎左好多款泡菜同涼拌，呢啲小菜既味道唔會好辣，反面甜甜地咁，啱返香港人既口味。✨牛肉豬拼盤呢個set有牛肋骨、醬醃板腱肉、肩胛肉、五花肉、豬肋骨、豬頸肉，仲跟埋泡菜湯或者大醬湯，份量超越多，兩個人食好飽！牛肋骨同肩胛肉既油脂分佈好平均，牛味幾濃，就算唔點醬都好好食。而板腱肉醃到甜甜地，肉質結實，用黎包生菜都好好食。而豬肉就冇咩點樣調味過，同黎加上包飯醬同泡菜就最夾！而泡菜湯都好有誠意，除左用左板豆腐之外，仲有唔少肉，味道偏酸甜，唔食辣既朋友都啱食。✨拌冷麵香港好少地方有韓式既拌冷麵食，見到就即刻叫黎試下。傳統既拌冷麵係有手梨，所以味道辣中帶甜，而呢到都跟足傳統，上面仲有幾塊牛肉添。而麵好長又彈牙，所以店員會係上菜個時幫你剪斷，方便食用。清爽既拌冷麵用黎配燒肉食真係好夾架！