那個ㄋㄚˋ ㄍㄜ (將軍澳中心)

營業中

休息中

今晚冇煮飯，落樓下同家人食晚餐，揀咗呢間喺將軍澳中心新開既台灣餐廳。餐廳坐得幾舒服，而且上菜快，店員都好熱心服務。紅燒牛腱湯麵湯頭濃郁，牛腱肉質軟嫩，關廟麵彈牙，仲有豆卜吸附了湯汁的精華，食落去暖笠笠。玖香啤酒豬軟骨便當豬軟骨真係好正，肥瘦均勻，再加上唔知係咪因為用啤酒醃過，啲肉質真係好軟嫩，有豐富的肉汁。伴碟仲有玉子豆腐和雜菜等，飯粒加埋個醬汁好開胃。香酥臺南蝦卷外皮炸得酥脆，內餡的Q彈，好香口，真係充滿台灣風味。黑糖仙草牛乳甜度適中，仙草味道清新，口感順滑。嘉義綠豆牛奶沙冰沙冰的口感細膩，綠豆唔會太甜，飲完好飽足。