影片
更多
2010-11-18
547 瀏覽
9月11日, 呀比生日晚場~ 帶咗佢去山頂嘅Bubba Gump食蝦蝦大餐~訂位時已經表明要窗口位同埋係慶祝生日, 等佢地店方都有d神秘安排! 不過是夜天氣欠佳, 沿路搭車上山頂時已經發現身陷一片迷霧… 預留嘅window seat結果望到灰濛濛一片… 哈哈哈~ 但咁反而好似置身仙境一樣~ 好迷幻!::: Mango Orange Salsa ::: $62喺侍應推介下叫咗杯特飲Mango Orange Salsa試下~ 係冰涼透心嘅芒果沙冰! 不過其實重點係隻有呀「甘」嘜頭兼識閃燈嘅杯!! 因為飲完沙冰侍應會幫你洗番乾淨送比你當紀念品! 其實一路閃一路食飯都幾刺眼… 所以我地食食下都熄番盞燈… 但一場嚟到有得飲有得拎都幾開心~::: Run Across America Sampler ::: $158呀「甘」大集薈外形整到成隻船咁, 載有乘客灼凍蝦、酥炸鮮蝦、辣汁雞柳、脆香海鮮球同埋爆谷蝦五款小食~ 仲有唔同醬汁點唔同小食~ 真係有心思又有誠意! 先講凍蝦, 有彈性但欠鮮味, 略為失色… 反而酥炸鮮蝦炸得脆卜卜, 食落竟然還帶少少鮮味~ 點埋他他醬同食更鮮! 辣汁雞柳一貫美式快餐味
訂位時已經表明要窗口位同埋係慶祝生日, 等佢地店方都有d神秘安排! 不過是夜天氣欠佳, 沿路搭車上山頂時已經發現身陷一片迷霧… 預留嘅window seat結果望到灰濛濛一片… 哈哈哈~ 但咁反而好似置身仙境一樣~ 好迷幻!
::: Mango Orange Salsa ::: $62
喺侍應推介下叫咗杯特飲Mango Orange Salsa試下~ 係冰涼透心嘅芒果沙冰! 不過其實重點係隻有呀「甘」嘜頭兼識閃燈嘅杯!! 因為飲完沙冰侍應會幫你洗番乾淨送比你當紀念品! 其實一路閃一路食飯都幾刺眼… 所以我地食食下都熄番盞燈… 但一場嚟到有得飲有得拎都幾開心~
::: Run Across America Sampler ::: $158
呀「甘」大集薈外形整到成隻船咁, 載有乘客灼凍蝦、酥炸鮮蝦、辣汁雞柳、脆香海鮮球同埋爆谷蝦五款小食~ 仲有唔同醬汁點唔同小食~ 真係有心思又有誠意! 先講凍蝦, 有彈性但欠鮮味, 略為失色… 反而酥炸鮮蝦炸得脆卜卜, 食落竟然還帶少少鮮味~ 點埋他他醬同食更鮮! 辣汁雞柳一貫美式快餐味道, 肉夠香帶少辣, 惹味~ 脆香海鮮球用蝦肉魚肉混打而成, 彈力十足, 但就要靠點汁先吊到d鮮味喇… 令人驚喜嘅係個爆谷蝦~ 細細粒但好香口! 點汁唔點汁食都好味道~
::: Frankie’s Baked Seafood & Rice ::: $138
*** 不愧為食評熱烈推介, 果然值得一試!!*** 以鑊仔盛載嘅焗芝士海鮮飯賣相一流~ 中間以拳頭咁大舊飯做主體, 伴以帕馬臣芝士忌廉汁, 當中混雜住d蝦呀、魚肉、青口等海鮮, 仲有d切成碎粒嘅甜椒、洋蔥同菠菜~ 要讚個汁真係好好味!! 芝士同忌廉味都好平均, 而且質地好creamy, 撈埋d料一齊食真係超讚!!! d飯又有少少似燴飯, 淋得黎唔會一pat pat, 索晒d汁真係令人食唔停口~ 亦由於個飯實在太好味… d海鮮反而變咗大配角…
::: Grill Shrimp ::: (main course +$48)
叫主菜加錢就可以要串燒蝦或者沙律~ 呢個蝦燒得乾咗d, 肉質亦過實, 但味道都算鮮…
::: Birthday Sundae ::: complimentry
開頭以為佢成杯都係cream, 我又一早自製咗個精美靚靚cake~ 所以吹完蠟燭一路都無理過杯野… 點知原來杯底係雪糕嚟架! 我地擺到佢溶晒先食… 搞到好似milkshake咁… 哈哈哈
人人都話呢度慶祝生日有氣氛… 但就因為咁所以人人都嚟慶祝生日! 大大話話全晚聽咗5、6次生日歌… 幾乎隔離左右嘅客人都係嚟慶生… 最慘就係呀比又唔係第一個壽星, 搞到今次無乜surprise添! 不過overall成餐飯, 環境、食物、服務都算幾好~ 希望呀比呢個生日過得快樂~ 以後都要蝦蝦笑! *O*
張貼
