天園餃子

營業中

休息中

上次試過觀塘店，要練左縮骨功先入得去。今次去試土瓜灣店，原來寬敞好多，好明顯唔係我減肥成功😂，應該係土瓜灣尺價比較平啲，所以店舖可以寬躺啲。要咗韭黃豬肉餃 🥟-好香九黃味➕豬肉，有幾清新嘅感覺。-餃子餡料都好多，一啖一粒餃子，啱啱好-土瓜灣店比觀塘店好似唔同舖頭咁，味道，裝修，服務，全部都好20倍湯底- 唔係清水，應該係餃子湯，所以都可以嘅。試咗佢個㊙️蝦醬菜譜，蝦膏味好香，偏辣。好適合送白飯或者湯麵。如果係麵，應該可以食兩大碗。備注：堂食期間，見到有人要買外賣，不過下單期間冇特意註明係 生餃子 定 湯餃子 。 結果廚房全部整熟晒。 外賣🥡 - 建議每次落單，都問清楚客人- 係湯餃子定熟餃，可以避免所有誤會。熟客嘅，當然就知道點樣嗌啦。