十下火鍋

好耐無係“屋企”打邊爐啦! 今晚車車嚟左位於銅鑼灣登龍街嘅十下火鍋, 點解會話屋企? 因為入到去真係好有家嘅感覺, 以80年代老香港屋村為主題, 一個充滿住懷舊特色, 令人懷念嘅感覺, 車車雖然唔係生於果個時代, 卻好中意果個時代嘅野, 所以好喜歡E到帶嚟嘅人情味同溫暖, 餐廳環境好大, 周圍都擺滿懷舊嘅裝飾, 好似綠色嘅雪櫃, 舊式麻雀枱咁, 最令人覺得似家嘅地方就係每張枱嘅櫈都係唔同嘅, 就好似媽媽一叫食飯啦, 個個都會擔住自己張櫈沖出嚟開飯咁! 背景音樂播住80, 90年代嘅歌曲, 令人回味!二人套餐⭐冬瓜茶非常抵飲嘅消暑飲品, 大大jar兩個人飲岩岩好⭐鴛鴦湯底湯底點左幾有特色嘅滋潤木瓜蕃茄鮮魚湯同清燉山藥菌菇湯, 木瓜蕃茄鮮魚湯用上一大條煎魚配搭大量木瓜同蕃茄製作而成, 味道鮮甜濃郁, 打邊爐前建議飲兩碗先!⭐大刀手切本地牛頸脊(小)牛肉口感鮮嫩, 肉味濃郁⭐花雕醉雞雞肉嫩滑, 烚完都仲有淡淡嘅酒香⭐十下三寶滑店員幫忙落滑十分貼心, 口感彈牙超好食⭐鳳城水餃⭐麻辣鴨血自家製嘅麻辣鴨血, 要襯熱食啊, 唔需要烚的, 食落麻辣味剛好, 惹味十足⭐三星蔥醬爆貢丸一啖咬落去即刻爆汁,