山景閣

營業中

休息中

好細個嘅時候同屋企黎食過一次自助餐，記得嗰時感覺都幾差，無咩海鮮又得d平價熟食，野食種類又少，所以自此之後就無再黎。呢排見到山景閣嘅promotion好似唔錯，上網睇睇d都幾多好評，於是就試一試啦！格局望落其實同之前都差無幾，但海鮮有生蠔有長腳蟹！d蠔隻隻都手掌咁大，而且都算新鮮嘅，長腳蟹都好厚肉，食兩碟蠔兩碟蟹都夠回本啦！佢嘅沙律吧有齊基本野，算ok啦！熱食方面都有d海鮮架！唔中意食生冷野嘅朋友都有幾多選擇甜品種類唔算多，每樣細細舊咁，每樣都可以試下，我覺得都算唔錯，唔會太甜，貌相都唔錯，唔會散晒咁，不過都係留肚食雪糕啦！呢到雪糕係Dryer’s，仲有D Collection!有我最中意嘅開心果味雪糕隔離仲有即整pancake，配埋雪糕就一流！順帶一提，呢到唔洗加錢有啤酒、果汁任飲架！