丸亀製麵 (已結業)

天氣有啲凍！💤夜晚仲係想食啲熱辣辣嘅野經過丸龜製麵，令我回憶返第一次食呢間烏冬，係喺大阪。。😍無論製作麵條嘅玻璃廚房，加上自助式嘅收費系統。都同位於日本嘅店舖一模一樣，照板煮碗搬咗過嚟！忽然間令我有一種身處大阪嘅感覺。唯一唔同嘅係，係日本未見過麻辣烏冬。。一於試吓啦！❤️ 麻辣烏冬湯頭超級濃味！啱晒重口味嘅我。。辣嘅味道唔算好勁，如果鍾意食超級辣嘅朋友，或者會覺得勁到不足！不過湯底嘅香口，令我好快就食晒呢碗烏冬了！冷烏冬友人點嘅冷烏冬，我都忍唔住試咗一啖！麵條咬口十足， 煙煙韌韌！夏天食一定好爽！鱈魚扒魚扒剛剛炸起，用筷子夾開嘅時候熱辣辣，冒煙。最鍾意食剛炸起嘅天婦羅！魚扒嘅厚度十足！真係好滿足南瓜天婦羅脆卜卜，我最鍾意！🌟 其實我真係好鍾意自助式嘅餐廳，因為係未食之前， 揀嘅過程已經好開心！我發現，將會不知不覺揀多左！呢度嘅天婦羅係令我最值得回味嘅地方。