天府人家

營業中

休息中

今日同四個好朋友嚟到呢一間位於灣仔的天府人家吃四川菜。裝修都富有中國的特色，而且座位好寬敞，坐得好舒服。小食兩小碟，完全是我杯茶！口水雞涼菜小食，好多款都好吸引，但最後都係叫左口水雞。呢個口水雞幾滑，但堅辣！連好食得辣既朋友都要飲返兩啖茶解辣，哈哈。雖然辣，但食落好刺激，愈食愈辣但愈想食。唔食得辣既朋友，記得記得要叫少啲辣喔！干鍋田雞食川菜當然要叫返個干鍋食啦。干鍋一到，傳來陣陣香味。鍋下面有火，可以為食物保溫。如果唔係好食得辣，可能會被嚇親，因為見到好多辣椒。除左辣椒，仲有洋蔥、蒜片等等配料，努力地翻開啲辣椒之後，終於見到田雞了。急不及待夾起田雞，食落好夠熱，又香口，都幾惹味喎。由於有朋友唔係好食得辣，所以叫少啲辣，所以食落真係唔辣，反而係好香。另外，食田雞最怕洗唔乾淨，或者係斬到啲骨好碎，但呢個田雞完全無呢啲問題。忍唔住食多幾舊，原來發現份量都唔少。試了田雞後，突然想食下洋蔥，雖然洋蔥望落好生，但食落係甜，都好好食。最後，食四川菜當然唔少得四川有名的甜品，紅糖冰粉。叫咗兩碗，四個人一齊分享。入面除咗冰粉之外，仲加咗少少桂花糖，所以食落有淡淡的桂花嘅香氣。用嚟解辣簡直係一流。