影片
更多
2025-03-28
0 瀏覽
四寶食堂．至尊漢堡薯角超驚喜！我同朋友近期瘋狂翻啅一家食堂——「四寶食堂」！呢間係「西餐混港式」嘅高質小店，仲要套餐價錢抵到爛，包餐湯、餐包，份量十足，難怪平日夜晚都爆場！前菜先驚艷：南瓜濃湯+提子酥我同朋友嗌咗三個套餐，每個都跟南瓜濃湯同提子酥。先講個湯——濃到掛勺！南瓜天然甜味突出，仲有淡淡奶香，完全冇「罐頭湯」嘅人工味。至於個提子酥，不得了！外皮鬆化，提子乾又多又juicy，仲微微暖，似足高級餅房出品主菜1：板燒美國頂級封門牛柳（7成熟）作為牛魔王，見到menu有封門牛柳即刻雙眼發光！呢個部位本身肉味濃又嫩，師傅火候控制得啱啱好，切開係粉嫩玫瑰色，入口軟腍無筋，仲有熱辣辣香氣！最驚喜係個醬汁——唔係普通黑椒汁，而係似足意大利陳醋香醬，微酸帶甜，同牛肉超夾。配菜嘅薯條都唔馬虎，咁嘅質素，真心抵！主菜2：百里香蒜香欖油烤春雞（1隻）朋友嗌嘅烤春雞係原隻對半開，半隻雞大過手掌，外皮烤到金黃脆身，一撕開肉質粉嫩有汁醃料用咗百里香同蒜油，入味得嚟唔會鹹，味道類近泰式甜辣醬加蒜蓉醬，醒胃令人食到舔舔脷。主菜3：至尊漢堡薯角（炒蛋+厚切餐肉）如果係「大胃王」，必嗌呢個至尊漢堡！個炒蛋夠厚夠蛋香
我同朋友近期瘋狂翻啅一家食堂——「四寶食堂」！
呢間係「西餐混港式」嘅高質小店，
仲要套餐價錢抵到爛，包餐湯、餐包，份量十足，難怪平日夜晚都爆場！
前菜先驚艷：南瓜濃湯+提子酥
我同朋友嗌咗三個套餐，每個都跟南瓜濃湯同提子酥。
先講個湯——濃到掛勺！南瓜天然甜味突出，仲有淡淡奶香，
完全冇「罐頭湯」嘅人工味。
至於個提子酥，不得了！外皮鬆化，提子乾又多又juicy，
仲微微暖，似足高級餅房出品
主菜1：板燒美國頂級封門牛柳（7成熟）
作為牛魔王，見到menu有封門牛柳即刻雙眼發光！
呢個部位本身肉味濃又嫩，師傅火候控制得啱啱好，
切開係粉嫩玫瑰色，入口軟腍無筋，仲有熱辣辣香氣！
最驚喜係個醬汁——唔係普通黑椒汁，
而係似足意大利陳醋香醬，微酸帶甜，同牛肉超夾。
配菜嘅薯條都唔馬虎，咁嘅質素，真心抵！
主菜2：百里香蒜香欖油烤春雞（1隻）
朋友嗌嘅烤春雞係原隻對半開，半隻雞大過手掌，
外皮烤到金黃脆身，一撕開肉質粉嫩有汁
醃料用咗百里香同蒜油，入味得嚟唔會鹹，
味道類近泰式甜辣醬加蒜蓉醬，醒胃令人食到舔舔脷。
主菜3：至尊漢堡薯角（炒蛋+厚切餐肉）
如果係「大胃王」，必嗌呢個至尊漢堡！
個炒蛋夠厚夠蛋香；厚切餐肉煎到邊位脆脆哋，鹹香爆燈。
重點係旁邊堆即炸薯角，粗過手指，
外脆內綿，灑咗少少辣粉，食到索索聲！
薯角贏麥記十條街！
特飲推介：蘆薈荔枝梳打+雪山紅豆冰
食濃味嘢緊係要配特飲！
蘆薈荔枝梳打清新到爆，荔枝味天然唔假甜，
仲有大大粒蘆薈肉咬；
雪山紅豆冰就係童年回憶升級版——紅豆粒粒香甜，
面頭嘅「雪山」係鮮忌廉，攪勻飲又香又滑，甜度剛好。
（P.S. 溫馨提示：晚市好旺場，最好預早少少去～）
餐廳：四寶食堂 (兆安廣場)
地址：銅鑼灣謝斐道482號兆安廣場地下1-3號舖
張貼
