隱藏在旺角通菜街「標記樂園潮州粉麵餐廳」四十幾年嘅老字號食正宗潮州美食打冷。裝修平實，食物水準多年來保持穩定，重有港式鑊氣小炒菜式多元化。
鹵水鵝片拼中東大墨魚
滷水鵝片是鎮店名物，滷汁滲透鵝肉入味，鵝肉肥美又軟嫩淡淡肉帶有淡淡嘅滷水香料味。大墨魚爽口彈牙，鮮味十足，點滷水汁點上米醋更加鮮味另外仲有豆腐墊底。
正宗潮州煎蠔餅
蠔餅都係受歡迎嘅菜式，即叫即煎金黃香脆，蠔仔份量足，每啖都食到鮮甜蠔味。粉漿比例掌握得好好，薄脆得嚟唔油膩，用鴨蛋保持傳統風味重好夠大件。
即泡潮洲蠔仔粥
蠔仔鮮美滑嫩粥底綿密，蠔仔粒粒飽滿粥底清甜，加入少少芫荽提升風味。粥底份量好大碗。
西蘭花炒花技
花技新鮮爽脆，西蘭花翠綠爽口，炒得夠鑊氣，熱辣辣上桌之餘亦保留食材原味，花技點上蝦醬食又另一鹹香滋味。
薑蔥生蠔煲
生蠔新鮮隻隻肥大飽滿，蠔肉炸香保持鮮嫩，配合薑蔥炒香，醬汁濃郁完美帶出蠔嘅鮮味。
價錢合理。食物選擇多不勝數。
1
1
5
