丼丼屋 (創紀之城五期(apm))

營業中

休息中

正宗日式丼物專家丼丼屋經常都會由日本獨家引入當地名物🇯🇵今季聯乘嚟自名古屋嘅海鮮丼專門店 Sakana Factory將佢哋嘅人氣 No. 1 名物丼帶到全線丼丼屋及丼丼屋×鳥開聯乘店。今次我就試晒兩款😌 🐟極の海鮮丼三文魚粒、油甘魚粒、吞拿魚粒同綿滑細膩嘅吞拿魚蓉混合青瓜粒、蘿蔔漬粒、洋蔥粒堆成小山丘，側邊仲有三文魚片、油甘魚片、三文魚籽同飛魚籽一齊鋪滿飯面，鮮上加鮮🤤海鮮上面放有日本生雞蛋，拮穿佢之後濃郁蛋汁包裹住海鮮，令原本粒粒分明嘅日本米飯增添順滑感。佢哋仲推薦一丼三食：先品嚐海鮮丼原味，再加入濃而不膩嘅胡麻醬品嚐獨特風味，最後食淨1/3時加入鯛魚高湯🍲湯漬食法提升食材嘅鮮味，但係我自己就好鍾意胡麻醬，估唔到都咁夾。 🦐赤海老丼鋪滿爽口彈牙嘅赤蝦刺身，多到完全見唔到啲飯，配搭飛魚子同埋日本生雞蛋，口感層次豐富，另外啲飯都混入咗蔥比較特別。 再加$29就可以有三文魚帆立貝刺身，超級豐富。兩款丼飯都可以用$10優惠價升級定食，有埋前菜、日式湯、甜品同果茶。