小甜頭

營業中

休息中

愛美食之人都知道大圍係好多好嘢食嘅地方，最近去到大圍發覺有一間舖頭叫小甜頭，去到發覺依個地方好舒服，一睇就知店主好有心機，佢將啲甜品分咗小中大等大家可以有選擇，最緊要有得揀呀嘛😎 咁我就試吓個中，咁啱店主得閒，佢就講俾我知啲甜品製作嘅心路歷程，喺呢個繁忙嘅都市已經好少店主可以咁有心機。除此之外，我仲點咗一個奶蓋海鹽水，通常有奶蓋我都會覺得好甜，但係加埋椰子水個感覺係極清新大家一定要試吓😎😎大家喺大圍食完嘢之後記得要過嚟食甜品試吓呢度咁有特色，如果得閒就可以同店主傾吓計最後我想講唔知點解啲甜品嘅份量勁足，我懷疑店主係蝕住錢咁樣做純粹係想為咗興趣，如果唔係我諗唔到其他原因🤣