越風味地道越南料理

營業中

休息中

今日想推介一下位於旺角既越風味越南餐廳，除左選址方便，位於人來人往的旺角，餐廳環境都好舒適，坐得闊落。是日晚飯時間黎到餐廳，發現坐無虛席，當然係信心的保證～餐牌選擇都唔少，除左有湯粉面之外，仲有提供越式地道小菜，望落都幾吸引，不過今次得2個人食，所以無點到小炒。除左一般餐牌，仲有套餐可以選擇，如果多人食，套餐都幾抵食。我地2個人各自點左香茅雞翼湯粉同火車頭湯粉，好細心甘分碟上，雞翼唔會浸淋晒，而且炸得幾香，唔會好油膩。火車頭湯粉都好足料，有生牛肉，扎肉，牛腩等等，味道唔錯，又唔會太咸。另外點左小食越式炸魚餅，好有咬口，魚餅好彈牙！座位仲提供醬汁比客人自己調味！