鮮燒 • 酒屋

土瓜灣呢一個舊區有好多好多嘅小店，同樣地亦都有好多高質嘅居酒屋以及Cafe，呢一間小店只係位於D2出口30秒嘅步行距離，九點宵夜時段仲有六串以及八串串燒嘅套餐，清酒🍶啤酒任飲！！

✨燒物
扇貝、生蠔都係誇張地大隻，而且食得出食材真係好新鮮，扇貝肌肉非常爽甜，生蠔肉質飽滿；鹽燒雞胸軟骨口感爽身；粟米同茄子亦都冇被過量嘅調味粉蓋過。

✨小食
日本南瓜天婦羅、炸吉列蠔、雞軟骨餃子🥟雖然全部都係炸物，但係各有特色，南瓜天婦羅外層酥脆；吉列蠔炸得金黃，唔算太過油膩～雞軟骨餃子勁邪惡，又脆卜卜

✨主食
分別叫咗一個飯一個烏冬：安格斯肩胛烏冬、豚肉生薑燒飯。烏冬嘅湯底帶點甜，入口滑捋捋，牛肉片份量都幾多，而且牛味都幾香濃；生薑燒飯同樣美味，豚肉肥瘦平均～