影片
更多
2023-12-02
154 瀏覽
🔸LUNA'S CHEF SET DINNER $698-Happy Friday約埋細妹去行啟德嘅新商場Airside，見依間中餐廳門口都幾別緻就一於試吓，睇完menu好多嘢都想試，但係得兩個人唯有叫套餐試多幾款😋首先開胃前菜有三款，都好精緻、賣相吸引。第一味法國邊豆素羊肚非常特別，翠綠嘅法國邊豆好新鮮脆口，味道清新。嵐月西班牙黑豚叉燒，係依度嘅必食招牌菜，超厚切嘅叉燒塗抹咗一層甜甜嘅蜜汁，而且有淡淡嘅燒烤風味。天鵝荔芋酥造型特別，黑色嘅天鵝係餅乾嚟，荔芋酥外皮鬆化，內餡軟滑有層次。我最鍾意飲湯所以依個黑蒜鹿茸菰燉烏雞湯，係我的最愛，好清甜嘅湯頭配各種上乘配料，仲有蠟燭座保持溫度。胡椒香茅乾燒虎蝦，蝦身開半，蝦肉爽口彈牙唔痴殼，好香胡椒味。24小時慢煮牛肋肉有兩片厚切，慢煮方式之肉質非常嫩滑軟稔，沾上海鹽食簡單又好味。雞頭米濃湯浸菜苗都係我至愛，上湯浸菜苗簡單而順喉，正好清一清口腔。然後白松露松茸海膽燴越光米，好香嘅白松露同海膽撲鼻而來，食落米粒煙韌且掛汁，調味濃郁。最後嘅甜品柚子吉士忌廉配朱古力脆片，都係一樣精緻美觀，配搭特別，令成餐飯完美作結。
-
Happy Friday約埋細妹去行啟德嘅新商場Airside，見依間中餐廳門口都幾別緻就一於試吓，睇完menu好多嘢都想試，但係得兩個人唯有叫套餐試多幾款😋
首先開胃前菜有三款，都好精緻、賣相吸引。第一味法國邊豆素羊肚非常特別，翠綠嘅法國邊豆好新鮮脆口，味道清新。
嵐月西班牙黑豚叉燒，係依度嘅必食招牌菜，超厚切嘅叉燒塗抹咗一層甜甜嘅蜜汁，而且有淡淡嘅燒烤風味。
天鵝荔芋酥造型特別，黑色嘅天鵝係餅乾嚟，荔芋酥外皮鬆化，內餡軟滑有層次。
我最鍾意飲湯所以依個黑蒜鹿茸菰燉烏雞湯，係我的最愛，好清甜嘅湯頭配各種上乘配料，仲有蠟燭座保持溫度。
胡椒香茅乾燒虎蝦，蝦身開半，蝦肉爽口彈牙唔痴殼，好香胡椒味。
24小時慢煮牛肋肉有兩片厚切，慢煮方式之肉質非常嫩滑軟稔，沾上海鹽食簡單又好味。
雞頭米濃湯浸菜苗都係我至愛，上湯浸菜苗簡單而順喉，正好清一清口腔。
然後白松露松茸海膽燴越光米，好香嘅白松露同海膽撲鼻而來，食落米粒煙韌且掛汁，調味濃郁。
最後嘅甜品柚子吉士忌廉配朱古力脆片，都係一樣精緻美觀，配搭特別，令成餐飯完美作結。
張貼
