影片
更多
2023-04-16
39 瀏覽
平時約朋友食飯，好多時都揀尖沙咀嘅餐廳，地理位置方便，住港島新界都容易去到。呢日揀咗位於尖東海傍附近嘅B’hood試下，估唔到都幾有驚喜。餐廳環境幾chill，牆有壁畫，播住音樂，但又唔會好嘈，好啱放工後嚟飲返杯。Ginpacho ver.2係餐廳嘅signature highball，調酒師將highball cocktail重新演繹，以西班牙凍湯為靈感，以氈酒混合冷壓哈密瓜汁同蘋果汁，並加入洋蔥、芝麻、青瓜、青蔥、喜馬拉雅鹽等提味，仲會附送兩條煙肉🥓。一啖酒一啖煙肉，估唔到味道都幾夾喎！cocktail味道清新特別，唔甜，真係有少少飲凍湯嘅感覺！想試特別一點嘅cocktail，推介這款！蟹肉龍蝦汁蛋餅蛋餅超厚，好香蛋味，中間有啖啖蟹肉，底係薯仔片，幾飽肚！有4款配料可以配搭蛋餅一齊食，有茄汁豆、紫椰菜、洋蔥蕃茄粒，同埋一個橙黃色醬。最鍾意洋蔥蕃茄粒，個汁有少少辣味，清新又惹味！法式油封鴨髀．酥皮窩夫鴨髀唔算好大，鴨肉幾嫩滑，窩夫都算酥軟，配埋太陽蛋同蜜糖一齊食，味道幾夾！平時少食呢個配搭，原來鹹食窩夫都幾好食喎！即焗麵包布甸製作需時30分鐘，上枱已經聞到好香！蛋味好香濃，唔會好甜，
平時約朋友食飯，好多時都揀尖沙咀嘅餐廳，地理位置方便，住港島新界都容易去到。
呢日揀咗位於尖東海傍附近嘅B’hood試下，估唔到都幾有驚喜。餐廳環境幾chill，牆有壁畫，播住音樂，但又唔會好嘈，好啱放工後嚟飲返杯。
Ginpacho ver.2
係餐廳嘅signature highball，調酒師將highball cocktail重新演繹，以西班牙凍湯為靈感，以氈酒混合冷壓哈密瓜汁同蘋果汁，並加入洋蔥、芝麻、青瓜、青蔥、喜馬拉雅鹽等提味，仲會附送兩條煙肉🥓。
一啖酒一啖煙肉，估唔到味道都幾夾喎！cocktail味道清新特別，唔甜，真係有少少飲凍湯嘅感覺！想試特別一點嘅cocktail，推介這款！
蟹肉龍蝦汁蛋餅
蛋餅超厚，好香蛋味，中間有啖啖蟹肉，底係薯仔片，幾飽肚！有4款配料可以配搭蛋餅一齊食，有茄汁豆、紫椰菜、洋蔥蕃茄粒，同埋一個橙黃色醬。最鍾意洋蔥蕃茄粒，個汁有少少辣味，清新又惹味！
法式油封鴨髀．酥皮窩夫
鴨髀唔算好大，鴨肉幾嫩滑，窩夫都算酥軟，配埋太陽蛋同蜜糖一齊食，味道幾夾！平時少食呢個配搭，原來鹹食窩夫都幾好食喎！
即焗麵包布甸
製作需時30分鐘，上枱已經聞到好香！蛋味好香濃，唔會好甜，加埋焗到好鬆軟嘅麵包一齊食，有幸福嘅感覺☺️ 推介！
估唔到cocktail bar嘅食物質素都幾好，cocktail款式又特別，幾個朋友嚟飲下酒食下嘢，B’hood係一個幾好嘅選擇！
張貼
