影片
更多
2010-07-18
223 瀏覽
本來無諗過 lunch K 都寫食評，但由於 menu上的主菜名字實在改得太誇張，忍唔住要同大家分享一下。首先要個「美國乾藏熟成天然牛肉西冷伴黑椒汁」，勢估唔到 $58 既 K lunch 有 Dry-Aged 食，事實當然無咁大隻蛤乸隨街跳，送上的只係很普通的雪藏牛扒，肉質帶點韌是合乎預期的，我較喜歡近筋的位置，不會癡牙但又帶點爽脆感，黑椒汁就正正常常，配上唔夠熱辣的炸薯條及純白烚的椰菜花，勉強算是一般快餐店的水準吧！ 我無揀「藍鰭吞拿魚焗意粉」，反而要了大快活最近狂賣廣告的「厚切吉列黑豚扒定食」。Neway 版的厚切吉豬賣相果然夠「厚」，但卻是「厚粉」而非「厚切」，層炸粉仲厚過塊豬扒，好彩咬落去幾脆幾香口，肉質又唔算好乾。跟餐除薯仔沙律外，還有凍食八瓜魚和帶子裙邊，味道則是旺角街頭賣五蚊三包的水準，無乜特別。由於預先訂位免加一，兩個人唱兩個鐘有埋飯食唔使百二蚊，質素上實在不能要求太多，但如果可以唱多一個鐘的話，感覺自然會更加好啦！
首先要個「美國乾藏熟成天然牛肉西冷伴黑椒汁」，勢估唔到 $58 既 K lunch 有 Dry-Aged 食，事實當然無咁大隻蛤乸隨街跳，送上的只係很普通的雪藏牛扒，肉質帶點韌是合乎預期的，我較喜歡近筋的位置，不會癡牙但又帶點爽脆感，黑椒汁就正正常常，配上唔夠熱辣的炸薯條及純白烚的椰菜花，勉強算是一般快餐店的水準吧！
我無揀「藍鰭吞拿魚焗意粉」，反而要了大快活最近狂賣廣告的「厚切吉列黑豚扒定食」。Neway 版的厚切吉豬賣相果然夠「厚」，但卻是「厚粉」而非「厚切」，層炸粉仲厚過塊豬扒，好彩咬落去幾脆幾香口，肉質又唔算好乾。跟餐除薯仔沙律外，還有凍食八瓜魚和帶子裙邊，味道則是旺角街頭賣五蚊三包的水準，無乜特別。
由於預先訂位免加一，兩個人唱兩個鐘有埋飯食唔使百二蚊，質素上實在不能要求太多，但如果可以唱多一個鐘的話，感覺自然會更加好啦！
張貼
