豐味窯雞

營業中

休息中

最近試咗呢間窯雞覺得都幾唔錯～佢喺一棟工廈入面，地點都算易搵。呢間店唔可以堂食，只可以外賣，用WhatsApp或者其他平台都可以order。隻雞除左有錫紙同埋一個膠袋裝住之外，店員仲好貼心咁俾咗個保溫袋載住，唔使驚攤凍晒隻雞。佢哋仲有俾三對透明膠手套同埋一對普通白色厚厚地嘅手套，真係好方便我哋拆開隻雞黎食。打開隻雞之後真係覺得佢好大隻一掂落去都仲係好熱不過自己用手撕開一件件嘅感覺好正啲雞煮得啱啱好，好夠熟，但又唔會太韌，調味亦相當唔錯，唔會太鹹。隻雞最底仲有好多汁，如果帶咗飯撈埋黎食真係好正。一大隻雞我哋兩個女仔都食唔晒，建議大家可以三個人share。