影片
更多
2023-08-01
819 瀏覽
收工去屯門練箭前約老友食晚餐，老友話唔係好肚餓話求其食d，行下新墟附近都有好多小店，見到呢間不吃不可食車仔麵就一於試下。小店鋪面都唔算好細，大約有7張枱，其中有d大枱，位與位之前間都唔會好迫，算ok好坐。望下餐廳有個特餐最抵食，有9款指定餸再送飲品，如果唔岩食自選餸就無飲品送，飲品會另計，咁就略為貴點。特餐我揀左個特餐，9款餸包括咖哩魚蛋，豆卜，豬紅，豬皮，蘿蔔，時菜，雞翼尖，魚皮餃，魚片頭，麵選擇左油麵，湯底就選擇左咖哩汁。咖哩魚蛋有2粒，質地普通唔算好彈牙，但未去到鬆晒，咖哩都入到味，普通。豆卜2件，切開左中間所以好吸汁，好正。豬紅3件，無腥味，唔會一夾就散，幾好。豬皮3塊，腍得黎有d咬口，唔錯。蘿蔔2件，煮得都夠腍仲幾甜，無渣，good。時菜係生菜，都有好幾條，正正常常。雞翼尖2隻，少少鹵水味煮得都少少腍，ok。魚皮餃同魚片頭就各1，魚片頭就細件d，味道正常。油麵底份量都足，煮得唔會好腍幾爽口，咖哩汁初頭睇好似好少，但撈埋之後都好夠味，都ok夠辣。老友就揀自選3餸，再叫埋野飲就貴過我個特餐，所以都係特餐抵食。整體黎講質素都唔錯，環境都幾乾淨幾企理，價錢黎講除左叫特餐抵d，自選餸加
小店鋪面都唔算好細，大約有7張枱，其中有d大枱，位與位之前間都唔會好迫，算ok好坐。
望下餐廳有個特餐最抵食，有9款指定餸再送飲品，如果唔岩食自選餸就無飲品送，飲品會另計，咁就略為貴點。
特餐
我揀左個特餐，9款餸包括咖哩魚蛋，豆卜，豬紅，豬皮，蘿蔔，時菜，雞翼尖，魚皮餃，魚片頭，麵選擇左油麵，湯底就選擇左咖哩汁。
咖哩魚蛋有2粒，質地普通唔算好彈牙，但未去到鬆晒，咖哩都入到味，普通。
豆卜2件，切開左中間所以好吸汁，好正。
豬紅3件，無腥味，唔會一夾就散，幾好。
豬皮3塊，腍得黎有d咬口，唔錯。
蘿蔔2件，煮得都夠腍仲幾甜，無渣，good。
時菜係生菜，都有好幾條，正正常常。
雞翼尖2隻，少少鹵水味煮得都少少腍，ok。
魚皮餃同魚片頭就各1，魚片頭就細件d，味道正常。
油麵底份量都足，煮得唔會好腍幾爽口，咖哩汁初頭睇好似好少，但撈埋之後都好夠味，都ok夠辣。
老友就揀自選3餸，再叫埋野飲就貴過我個特餐，所以都係特餐抵食。
凍檸茶
20 瀏覽
0 讚好
0 留言
凍奶茶
38 瀏覽
0 讚好
0 留言
整體黎講質素都唔錯，環境都幾乾淨幾企理，價錢黎講除左叫特餐抵d，自選餸加飲品就會貴d，下次行過附近想食車仔麵都會再食。
張貼
