金滿庭京川滬菜館 (荷里活廣場)

營業中

休息中

是日同屋企人去荷里活廣場行街，順便食飯，一向都鍾意食京川滬菜既佢地就提議黎呢到試下啦。擔擔麵: 擔擔麵落左好多肉碎同花生碎，湯底濃厚，因為屋企人唔想食太辣，所以叫左小辣，講真食落真係一D都唔辣。麵質方面都幾煙韌，都算幾大碗，三個人分每人都分到有一碗半。生煎包: 包面微脆香口，內裡既湯汁唔少，而且味道鮮濃，肉既口感都好嫩軟，咸淡道剛剛好。砂窩雲吞雞1/4隻: 半身想叫半隻架，但係店員好好人咁同我地講半隻分量太多，1/4 隻已經可以啦。雞湯惹味清甜，睇得出好夠火候，非常入味，最值得讚係雞肉煮完後都仲好嫩滑。雲吞方面都好大粒，雲吞皮好滑，混埋湯一齊來吃味道確實唔錯。家常豆腐: 豆腐外脆，內裡香滑，醬汁都好好味，同豆腐拌埋一齊都好夾。