麗莎餐廳

營業中

休息中

星期六又要返工，一路返工就一路睇定lunch食咩好，本身都係諗住鋸扒，最後見到依間唔使等位就走左入黎。坐低再望一望menu，再望一望附近食客，好似lunch就叫個鐵板黎食有D誇張，都係食夜晚先食鐵板啦。揀揀下揀左應該有5分鐘就決定叫個特餐啦，好似幾多野食，切合返我花心貪心嘅本性特餐包左五香肉丁麵、煎豬扒、吞拿魚煙肉脆豬，再配埋熱奶茶五香肉丁麵賣相普通，食落正常，個麵淥得恰到好處，唔會太生或者太腍煎豬扒 : 普通煎豬扒冇乜味，唔太韌，唔多有香煎感覺，加上少少汁加返D味都算收貨吞拿魚煙肉脆豬 : 依個有少少失望，可能係我對脆豬嘅預期較高，依度個包底唔夠脆，見到個包係稍微用牛油烘一烘但味道唔太出，而且吞拿魚有少少凍嘅感覺，2樣野食落唔太夾，值得讚嘅係吞拿魚份量都算唔少最後杯熱奶茶應只係普通水平，茶味同奶味都不足，唔夠滑。總結 : 今時今日55蚊食個特餐，份量唔細，用料正常，味道可以接受，成個package算係不過不失啦，我見其他人都係食飯餐/小菜為主，可能其他野會比較好食。