影片
更多
2022-06-19
40 瀏覽
深宵食堂📍旺角彌敦道575號🎑環境成間舖頭都好有feel，一面牆貼咗宮崎駿啲海報，一面就有日本好多動漫，例如海賊王、火影忍者嘅海報，幾有feel，同埋啲燈光暖暖地，加埋啲櫻花，成個好日本春天居酒屋嘅feel，好適合三五知己嚟食下嘢傾下計！🍱食物🍚主食蟹肉海膽炒飯 $88聽到個名都覺得係奢侈嘢，果不其然，一上到嚟見到金燦燦嘅海膽同一大羹嘅蟹子鋪喺面頭，再加埋炒飯入面無處不在嘅蟹肉絲，會話係痛風套餐咁，但係值得嘅，一定要撈勻咗之後先好食，海膽係飯入面起到一種奶油嘅作用，入口好順滑，好香，蟹味又好出，而蟹子同紫菜提供咗口味上嘅唔同，撈埋鑊氣重、粒粒分明嘅蛋炒飯嚟食真係一流！推薦度： 😋😋😋😋😋深宵冷烏冬 $48呢個烏冬雖然都係主食，但係喺成餐飯入面起到一個解膩嘅作用，因為佢喺凍食，撈埋日式芝麻醬，甜甜地嘅芝麻香，好開胃，而且烏冬好彈牙、好有彈性，撈埋蟹柳、蟹子同紫菜，實在好容易食到停唔到！推薦度： 😋😋😋😋🍖小食厚燒牛舌 $76呢串牛舌由於係厚切嘅關係，所以好有咬口，並且唔會咬唔爛，軟嫩多汁，調味又恰到好處，淡淡地鹽味，啱啱好可以吊出個鮮味，幾高質~推薦度： 😋😋😋😋螢光魷魚 $48去壽司郎
📍旺角彌敦道575號
🎑環境
成間舖頭都好有feel，一面牆貼咗宮崎駿啲海報，一面就有日本好多動漫，例如海賊王、火影忍者嘅海報，幾有feel，同埋啲燈光暖暖地，加埋啲櫻花，成個好日本春天居酒屋嘅feel，好適合三五知己嚟食下嘢傾下計！
🍱食物
🍚主食
蟹肉海膽炒飯 $88
聽到個名都覺得係奢侈嘢，果不其然，一上到嚟見到金燦燦嘅海膽同一大羹嘅蟹子鋪喺面頭，再加埋炒飯入面無處不在嘅蟹肉絲，會話係痛風套餐咁，但係值得嘅，一定要撈勻咗之後先好食，海膽係飯入面起到一種奶油嘅作用，入口好順滑，好香，蟹味又好出，而蟹子同紫菜提供咗口味上嘅唔同，撈埋鑊氣重、粒粒分明嘅蛋炒飯嚟食真係一流！
推薦度： 😋😋😋😋😋
深宵冷烏冬 $48
呢個烏冬雖然都係主食，但係喺成餐飯入面起到一個解膩嘅作用，因為佢喺凍食，撈埋日式芝麻醬，甜甜地嘅芝麻香，好開胃，而且烏冬好彈牙、好有彈性，撈埋蟹柳、蟹子同紫菜，實在好容易食到停唔到！
推薦度： 😋😋😋😋
🍖小食
厚燒牛舌 $76
呢串牛舌由於係厚切嘅關係，所以好有咬口，並且唔會咬唔爛，軟嫩多汁，調味又恰到好處，淡淡地鹽味，啱啱好可以吊出個鮮味，幾高質~
推薦度： 😋😋😋😋
螢光魷魚 $48
去壽司郎應該都食過螢光魷魚壽司啦， 呢度嘅質素一啲都唔輸壽司郎，一咬就爆汁，有啲海水嘅鹹味出咗嚟，個魷魚本身又煙煙韌韌咁，幾爽口又開胃嘅小菜，而且上面有啲金箔，幾靚，但係份量多翻少少就更加過癮了！
推薦度： 😋😋😋😋😋
汁燒雞肶菇 $28
一上台，以為係竹籤串住幾舊大蘿蔔，睇真啲先發覺係雞肶菇，足以見到究竟係有幾肥美先有咁嘅視覺效果，佢外皮烤到有啲乾，但係入面又極度多汁，係誇張到爆汁嘅程度，真係好鮮美，加埋上面嘅木魚花同特製汁食真係好惹味，我個friend係連碟底剩低嘅木魚花都唔放過，佢話啲汁撈木魚花都好好食~
推薦度： 😋😋😋😋😋
炸芝士蝦球 $32
蝦肉好彈牙，而外皮又新鮮滾熱辣地炸得好脆，口感好豐富，包裹住啲芝士，一口爆汁，好邪惡，口感，而且芝士味濃，兩樣嘢好夾 🤩
推薦度： 😋😋😋
和風牛肉餅 $32
好貼心咁幫我地切成咗兩塊，食落有啲似可樂餅，一樣係好脆好熱，配埋酸酸甜甜嘅汁，真係好好食！
推薦度： 😋😋😋
松露三文魚焗大啡菇 $52
照樣好貼心咁幫我地切成四舊，大啡菇上面釀滿芝士、三文魚塊同少少松露醬，食落好滿足，大啡菇嗰種脆脆地韌韌地嘅口感係一個好好嘅承載物，令到入面釀住嘅嘢變到更加惹味，仲增添咗啲菌類嘅鮮甜，好出色！
推薦度： 😋😋😋😋😋
芝士年糕 $38
個外皮烤到有少少焦，幾有風味，而且年糕軟軟糯糯，配埋入面可以拉絲嘅芝士，好夾
推薦度： 😋😋😋
🍶飲品
咖啡燒酒 $48
我本身就唔係幾飲得酒，所以覺得個酒味太重，但係我frd就話呢種聽落好黑暗嘅組合其實好夾，但係酒精濃度應該都有翻咁上下，佢飲到三分二就已經有啲wingwing地，大家都可以試下
推薦度： 😋😋😋
張貼
