海老名沾麵

營業中

休息中

位於深水埗嘅一間小店，第一次黎會比較難搵，因為門口位好隱蔽，但一般都會見到出面有人排隊。不過坐位得8個，所以等候時間可能會較耐～如果想試限定嘅廣島蠔拉麵，真係建議要早少少黎排隊，因為lunch time試過有幾次黎到都冇晒。但呢個拉麵真係非常推介除咗湯底好香濃之外，其他配料都係煎香咗先放上面。廣島蠔有5隻，大小都適中。大蔥好香又爽口，糖心蛋生熟度又剛好！其實呢度嘅沾麵麵一樣咁出色！我自己就食開最普通嘅蝦湯底，偏油但好香蝦味！食完之後店員會幫你加水，可以當湯飲埋，不過我就覺得比較咸所以一般麵冇飲晒。