圃公館 (已結業)

星期五上午去食點心放題，90分鐘。給你一張點心紙，任你填年件數，碟數。其實你寫幾多都冇月用。結果俾個女侍應全部同你cut左一大堆先入單。之後漏單嘅情況超嚴重。開頭出咗幾樣點心就冇喇。追問明明寫咗一大堆，點解咁耐都未到？佢地一尾用個“蒸”字去拖你。結果我只係食咗第一輪嘢，之後坐咗成個鐘都冇嘢食。就算再填第二張點心紙都冇用，佢都係唔出嘢。結果我一直坐，等……成個白痴咁一直坐。就算過咗90分鐘都唔會趕你走㗎。你都冇嘢食。再追問，佢哋又扮睇你唔到。一係就話已入咗一大堆點心，“蒸”緊。我會信嗎？最後埋單$148再加一，$166。真的值呢個嗎？食唔飽。食到我一肚氣。最貴嘅點心，蝦餃，燒賣你填幾多都冇用，佢都唔會俾你食咁多。$166仲有好多其他放題選擇。又或者我用嚟去第二度食10籠蝦餃都未必駛呢個價。又滿足又飽肚。如果有人再去呢個放題，呢個人同我一樣都係白痴。