影片
更多
2016-03-30
1048 瀏覽
今日又要去沙田做嘢，又實在好想食魚蛋粉，聽聞每個沙田人都會識呢間麵家，一於就嚟試試！開住個google map由地鐵行過嚟都要一段時間，行到去瀝源邨就差啲蕩失路，openrice地址話係二樓，即管行上一層睇睇，一上到上面就已經到咯！用咗好傳統嗰啲格仔地磚，好有氣氛啊！喺呢啲地方食魚蛋粉先啱㗎嘛，去茶餐廳食魚蛋粉硬係覺得格格不入咁紫菜魚蛋牛筋河粉 ($42)呢度出名魚蛋牛筋，梗係要試試！隻碗都幾大，湯底啡紅色咁，難道係辣嘅？唔食得辣㗎噃..... 弊喇魚蛋得兩粒，平時有5粒我都覺得唔夠食，兩粒邊夠食啊而且魚片呢？睇返個menu原來“魚蛋粉”同“蛋片粉”係兩樣嘢嚟㗎！下次識叫喇... 但冇咗魚片嘅魚蛋粉就好似好孤單咁，好似我而家一個人去沙田食魚蛋粉但身邊冇咗魚片陪伴一樣牛筋就有好多舊，而且好入味，每一舊都充滿骨膠原；飲吓個湯先，好彩唔係辣嘅！只不過因為腩汁湯底落咗磨豉、南乳、乾葱、五香粉及滷水料等，所以顏色先會較特別，味道唔鹹但係好入味；魚蛋頗有彈性，魚味香濃，有我細個食嗰啲嘅味道，唔似而家嗰啲得啲粉糰味；河粉係偏瘦果隻，滑不溜口；紫菜冇沙而且份量偏多，食到最尾都仲有好多服務舊店係有人情味
紫菜魚蛋牛筋河粉 ($42)呢度出名魚蛋牛筋，梗係要試試！隻碗都幾大，湯底啡紅色咁，難道係辣嘅？唔食得辣㗎噃..... 弊喇魚蛋得兩粒，平時有5粒我都覺得唔夠食，兩粒邊夠食啊而且魚片呢？睇返個menu原來“魚蛋粉”同“蛋片粉”係兩樣嘢嚟㗎！下次識叫喇... 但冇咗魚片嘅魚蛋粉就好似好孤單咁，好似我而家一個人去沙田食魚蛋粉但身邊冇咗魚片陪伴一樣牛筋就有好多舊，而且好入味，每一舊都充滿骨膠原；飲吓個湯先，好彩唔係辣嘅！只不過因為腩汁湯底落咗磨豉、南乳、乾葱、五香粉及滷水料等，所以顏色先會較特別，味道唔鹹但係好入味；魚蛋頗有彈性，魚味香濃，有我細個食嗰啲嘅味道，唔似而家嗰啲得啲粉糰味；河粉係偏瘦果隻，滑不溜口；紫菜冇沙而且份量偏多，食到最尾都仲有好多
紫菜魚蛋牛筋河粉
$42
87 瀏覽
0 讚好
0 留言
紫菜魚蛋牛筋河粉
$42
80 瀏覽
0 讚好
0 留言
舊店係有人情味啲，換轉我咁嘅叫餸速度，其他舖頭應該會黑面對待，但落單嗰位店員非常有耐性而且聲音親切；另一位店員仲喺上菜時溫馨提示“小心熱啊”，太nice喇！食物的確非常熱，肚餓嘅我已經唔理一放低即刻食... 食完晒成碗都可以熱到標眼淚，又冇紙巾，點算好....... 俾錢時見到旁邊有一卷紙巾，及一堆相信係賣嘅包裝紙巾。曾經試過好多次食魚蛋粉問攞紙巾係要俾錢買嘅，但嗰位親切嘅店員竟然喺右手揸住電話講緊嘅同時，左手拎嗰卷紙巾出嚟，再用左手按住卷紙巾俾我搣！天啊，你太體貼喇，平時我盡量唔會重複去食過嘅地方，但你咁好服務態度，我相信我係會返轉頭再食㗎！話晒我都未試“蛋片粉”.....
張貼
