新景園咖喱小廚

營業中

休息中

身為港島街坊今次一定要大推呢間隱藏喺春園街嘅神級茶記——📍新景園咖喱小廚！平時經過都見到條打蛇餅嘅大長龍👫今日專登提早收工殺過去，終於試到傳說中嘅 鎮店雙寶 真係一試難忘啊😍【豬扒咖喱飯🍛】🐷塊豬扒一上枱就知冇得輸！金黃色嘅炸衣咬落去，咔嚓一聲脆到似食緊薯片，更加神奇嘅係完全唔會油膩啲肉仲厚過我本passport，一啖咬落去滴肉汁仲會爆曬出嚟😋咖喱汁 就用個細碗分開裝嘅，可以自己調味~咖喱汁就夠晒港式風味—— 鹹香帶少少微辣🌶️仲有啲沙嗲嘅甜味，入面嘅 薯仔🥔就煮到起沙，加埋滴汁撈飯食到我lamlam脷～👍【乾炒牛河🍝】枱果陣係熱辣辣嘅夠曬鑊氣🔥河粉炒到油令令但唔會黐埋一嚿嚿 🐮牛肉片醃到入味又唔韌，入口帶住焦香，仲有啲芽菜同蔥吊味份量多到兩個人都食唔嗮！碟頭仲大過我塊面！！果然夠晒「大件夾抵食」🤭⚠️千祈唔好貪方便叫外賣！個豬扒一定要趁熱食先keep到個脆度，堂食仲可以免費添汁添飯，抵到爛啦～😎