阿久根和牛拉麵屋

營業中

休息中

入去坐低，店員就同我哋講今日冇和牛😂只有高凳，大概有10個位左右，唔知點解舖頭有陣苦瓜味😂只收現金，記得帶夠現金。*慢煮薩摩雞拉麵 $95二選一，清爽或者濃厚，我揀咗人氣嘅”濃厚”。雞湯唔係單純嘅雞湯，有啲豚骨湯嘅味道，微微黏口，個人喜歡單純嘅雞白湯多啲。薩摩雞肉質扎實有彈性、醬汁濃厚帶甜味，但同湯底唔夠夾。拉麵係捲麵，口感煙韌，鹼水唔會太重，能夠掛湯之餘亦食到麵嘅質感。雞軟骨餃子 $48餡料係椰菜肉餡+雞軟骨，口感卜卜脆，但餃子皮軟爛，唔夠香脆，少失望。