窩子

營業中

休息中

慢煮手撕豬腩窩夫三文治每一個元素都做得好好，手撕豬幼滑唔會太甜，窩夫脆度同口感恰到好處，夾住蕃茄同生菜一齊食完全唔會膩，係我會為咗佢返嚟嘅招牌菜。是拉差醬蒜香蕃茄意粉配慢煮口水雞扒係我食過最有辣椒醬香嘅意粉，有類似余均益辣椒醬嘅香氣但唔會死辣，淨係意粉都令我一啖接一啖食唔停。 兩大塊雞扒用香料醃過，好嫩滑。意式蕃茄肉丸芝士酥皮pizza破格地我覺得pizza皮係好食過啲料，批邊酥脆到化開，香口得黎唔油膩。 蕃茄同肉丸用料十足，近乎每一啖都食到蕃茄同滿滿嘅芝士，香口又清新。