火夫

營業中

休息中

雞肝多士肝醬鹹鹹香香，配埋脆多士不錯🍞枝豆春卷幾特別，連個醬都係用枝豆整嘅，平時鍾意食枝豆嘅朋友應該會好啱麥粒味噌青瓜嘅味噌醬鹹甜味好突出，第一啖未必個個都啱食，不過個人覺得加埋爽脆青瓜都算開胃。至於人氣菜式虎蝦濃湯拉麵🦐有超大隻虎蝦，蝦外面沾滿櫻花蝦花乾，炸到非常酥脆鹹香，虎蝦夠大隻啖啖肉，蝦亦夠爽口。至於湯底十分濃郁厚身，唔會太鹹，個人覺得味道有啲似超市買到既龍蝦罐頭湯，每一條麵都沾滿咗蝦湯，如果鍾意食蝦應該會覺得好正，不過整體口味較單一，冇乜層次，配料只有一隻蝦嘅情況下一個人食會有好漏。明太子撈麵相對味道冇咁出色，明太子味道唔算好突出，同虎蝦麵有同一個問題，就係比較膩。關西牛肉湯麵，湯底好重味精味，好似即食麵啲湯底咁，亦都好鹹，味道好平庸，亦都唔知同關西有乜關係😅串燒大多都普普通通，冇話特別出色，當中鴨肉葡萄串比較特別，加左葡萄會令口感同味道豐富總結個人覺得整體食物未至於超好味，性價比亦不算高，唔洗特登去食。除左蝦拉麵比較有特色，其他味道都正正常常，如果喜歡食蝦都可以試下個麵嘅。