超級無敵車仔麵

營業中

休息中

超級難食！呢世人未試過食咁難食嘅車仔麵，我食咗幾啖已經食唔落，中晒伏☠️湯底已經唔掂，味精味。麵我原本要米線，佢又比錯油麵，麵底煮到過晒龍腍晒。生菜腍到變菜碎，酸齋唔知浸咗幾耐，發到腍曬冇咬口，豆卜同脆皮腸硬掘掘，得咖喱魚蛋尚算可以。總結嚟講，成碗嘢好似唔識整車仔麵嘅人煮出嚟嘅車仔麵。食物質素差之餘，員工態度都幾惡劣，食物份量係好大份都無補於事。 我平時懶得寫食評，今次真係忍唔住，希望警惕其他人，真係唔需要俾機會去試呢間地獄車仔麵。