俺流塩らーめん (創紀之城五期(apm))

營業中

休息中

作為拉麵愛好者嘅我，平時最鍾意四出咁去搵好食嘅拉麵。平時經過APM見到呢間舖頭成日都排長龍，嗰日經過竟然冇人排於是即刻同朋友入去試吓。冇影個Menu，不過佢拉麵主要分為熟成湯底(豬骨雞骨咬湯)、鹽味同埋味憎，當然仲有期間限定。我朋友叫咗一個期間限定，係墨魚汁湯底，一上到黎湯底係黑蚊蚊，飲一啖湯覺得嗰種味道好特別，佢好似係屋企煲嘅嗰種中式湯，但又幾好飲。我朋友覺得佢加埋芫荽陣味又幾夾。我就叫咗個鹽味拉麵，講真真係好普通，係屋企都可以煮到嗰隻，奉勸大家如果去食就唔好叫呢個湯底，拉麵叉燒中中亭亭，計埋+1都要成舊水，我就未必會再幫襯啦。另外再加左溫泉蛋食，流心度OK，但唔入味，好普通。