影片
更多
2017-03-18
2179 瀏覽
簡單講，這間店真的要多謝電視台，唔係睇到麥包個節目，勾起我的興趣，真係唔會專登嚟。話說果晚本來朋友補請小弟食生日飯，諗住食連鎖日式火鍋，但無訂位，現場等自然會等到腳軟；跟住就諗起之前睇過大台電視節目，有介紹呢度一個幾有趣嘅小菜，叫「人渣麵」，於是便過來香車街街市碰碰運氣，點知真係咁好彩有張細檯。一坐低，就點咗二人份量嘅「人渣麵」，然後加個「生炒海味糯米飯」，最後隨便點了個「生蠔粉絲煲」；價錢唔係好記得，人渣麵同糯米飯肯定過一百，反而生蠔粉絲煲好似 $78，總之最平。估唔到最平果個，先至最好食！先來「生蠔粉絲煲」，生蠔夠味，粉絲亦入味，小菜嚟講，水準叫唔錯，即時好感大增。可惜呢個好感被時間摧毀！另外果兩碟炒野，竟然等咗近成個鐘才來！真係等到火都滾！先試「人渣麵」，麵唔夠脆，打上果層「獻」得個杰字，無味的！再試配料，又大蝦又鮑魚，係好名貴呀！但都係無味的！整個菜名中了中間果個字：渣！跟住食「生炒海味糯米飯」，用大大隻蝦乾，食得出，質料係唔錯；但可惜，個主角炒飯炒得太濕，影響口感！同埋感覺好唔糯米飯，反而似人地啲楊洲炒飯，整體感覺一般。之後埋單，都要成三百蚊，真心講，唔值！結論：最出名、上埋
話說果晚本來朋友補請小弟食生日飯，諗住食連鎖日式火鍋，但無訂位，現場等自然會等到腳軟；跟住就諗起之前睇過大台電視節目，有介紹呢度一個幾有趣嘅小菜，叫「人渣麵」，於是便過來香車街街市碰碰運氣，點知真係咁好彩有張細檯。
一坐低，就點咗二人份量嘅「人渣麵」，然後加個「生炒海味糯米飯」，最後隨便點了個「生蠔粉絲煲」；價錢唔係好記得，人渣麵同糯米飯肯定過一百，反而生蠔粉絲煲好似 $78，總之最平。
估唔到最平果個，先至最好食！
先來「生蠔粉絲煲」，生蠔夠味，粉絲亦入味，小菜嚟講，水準叫唔錯，即時好感大增。
可惜呢個好感被時間摧毀！另外果兩碟炒野，竟然等咗近成個鐘才來！真係等到火都滾！
先試「人渣麵」，麵唔夠脆，打上果層「獻」得個杰字，無味的！再試配料，又大蝦又鮑魚，係好名貴呀！但都係無味的！整個菜名中了中間果個字：渣！
跟住食「生炒海味糯米飯」，用大大隻蝦乾，食得出，質料係唔錯；但可惜，個主角炒飯炒得太濕，影響口感！同埋感覺好唔糯米飯，反而似人地啲楊洲炒飯，整體感覺一般。
之後埋單，都要成三百蚊，真心講，唔值！
結論：最出名、上埋電視介紹的「名菜」，反而不及求其亂點、名不經傳的低調菜；亦由此可知，電視節目真係亂噏居多，信唔過！
題外話/補充資料：
始終都係街市，人人可來，而且可放聲談話；當晚我跟朋友是擘大喉嚨對談的，如想跟朋友慢慢傾下偈、食下野，提議唔好嚟呢度！
(以上食評乃用戶個人意見 , 並不代表OpenRice之觀點。)
張貼