名古屋本店係昭和年代創立既老字號 仲拎埋米芝蓮!!
開左好多間海外分店 宜家終於開到黎香港喇!!
我係lunch hour去的 都要排一陣入 全院滿座
店內裝修高雅亮麗 行時尚和風路線🇯🇵
.
《鰻燒和牛三吃丼》
本來想就咁叫名物「一本鰻」 原條鰻魚炭燒
但又心思思想試埋和牛 所以就叫左雙拼😂
𑁍蒲燒鰻魚
呢個set既鰻魚份量都係整整一條 一個人食係超滿足🈵
鰻魚即叫即燒 備長炭慢工出細貨
等15-20分鐘上碟係真係熱辣辣 香噴噴既
外皮焦糖化 又香又脆 微微散發炭火燒烤味
肉質肥美 好厚肉咬落去並唔會好似平時超市買個d散開
而且秘製醬汁唔會得死鹹 鮮味十足
𑁍日本A5宮崎和牛丼🐃🥓
厚薄適中既A5和牛雪花超靚 肉味香濃
燒完勁香 油花一滴滴滲透落飯粒中間🍳🍚
配埋日本生蛋黄 油脂同蛋黃將珍珠米全面升級
所謂既三食 除左直接品嚐原汁原味
更加可以撈埋wasabi/葱花/紫菜絲減膩 帶出清新感
最後再加入茶湯做泡飯食 三重享受
𑁍鰻肝湯🥣
湯品好清潤 鰻肝好嫩
有啲似食緊生蠔 又有d似食緊豆腐咁滑
