陳通記

營業中

休息中

朋友係長洲地膽，一到埗長洲就帶我地去食沙嗲牛肉米通。我之前嚟過幾次長洲，次次都係食大大粒魚蛋、芒果糯米糍，或者其他嘢，所以今次朋友推介食陳通記真係有啲驚喜😆餐廳好多人，所以等食物都比較耐，如果嚟食要比啲耐性等食物。喺出面餐廳比較少食到米通，口感好特別。沙嗲湯底濃，仲有好多花生碎，花生愛好者必食呀。牛肉整得都好入味，唔韌。另外食物份量好足夠，我果時係同朋友share一碗都覺得飽。整體食物好食，價錢合理，終於明白點解個個都專登嚟食。