Lava 燒

營業中

休息中

去酒吧同朋友飲番杯，你哋鍾意飲完先去食飯，定食飽飽再去飲呢？定係邊飲邊食？不過，通常酒吧提供嘅西餐都係麻麻哋，等於喺K房都唔會期望個餐有幾好味。所以呢間Lava燒唔整西餐，主打串燒，除咗比煮西餐難度低之外，更重要係串燒同酒係perfect match。呢度坐得舒服又啱晒傾計。串燒種類有燒肉類、海鮮類、蔬菜類等，性價比好高架。燒牛舌切成粒狀嘅牛舌，肉味香濃，好有咬口。椒串牛柳大大粒嘅牛柳，肉汁豐富，串連青椒同洋蔥，好match。金銀絲扇貝新鮮嘅扇貝配上蔥、蒜蓉同粉絲，好香好入味呀。特大蒲燒鰻魚鰻魚最重要就係個汁，真係好好味，配埋上面嘅芝麻夠晒香，又唔多骨，大大條好滿足！和風燒靖魚絕對抵食推介，而目又唔腥，肉質又嫩滑！必叫！燒大虎蝦用咗牛油燒嘅虎蝦，好大隻，肉質彈牙，好鮮甜。燒鮮菠蘿食串燒又點少得新鮮菠蘿，酸酸甜甜好正。我哋仲叫咗椒串牛柳、烤金菇肥牛、烤牛肉串、韓燒豬五花、燒雞全翼、燒雞腎、燒魷魚串、泰式魚餅、蒜蓉澳洲茄子！整體嚟講都相當唔錯，但我哋覺得每一款食物所燒嘅時間係唔同，而餐廳刻意將食物同一時間上枱，令部份食物等到變凍，提議可以分開上枱，令串燒更滋味。